Vivir en, Ser de

Vivo nos Anxeles (de Cabanetán, en Brión). Creo que lle chaman así. Tamén teño visto "Santa María dos Anxeles". O caso é que non vivo en Miñortos. Aclaro: non moro alí. Non resibo alí o correo postal (ainda que tampouco o resibo aquí nos Anxeles: as facturas de telefónica, aproveito para protestar, nunca me cheghan).

O caso é que o comentario de Anónimo de onte deixome un pouco inquieta. Disía, ainda que pensando que se refería á miña irmá, que qué vou saber eu de Miñortos e da súa xente se "nin sequera vives aquí". Da ighual, estou na misma situasión ca ela.

No meu DNI pon que vivo na Carcasía (rúa que nin sequera existe) en Noia; no carné de condusir pon C/Xosé Fdez. da Ponte (Noia); na cartilla do médico pon que vivo nos Xunteiros (Miñortos), no meu pasaporte non pon donde vivo (?), Telefónica non debe saber cal é a miña dirección porque non me escribe, os do banco escribíanme, ata hai pouco, ó Fonseca; Seghuro que ainda hai alghunha empresa que me envía publicidade ou tratan de localisarme para traballar en Madrid, que alghuén que me manda articulos á facultade de Psicoloxía... e supoño que xa ninguén me buscará na c/La Merced nº61, 6ºD. Tuven moitas direccións, e vivín en moitas casas distintas. Os que me conosen sábeno.

Durante un tempo pensei que, por ter vivido en tantos sitios distintos e ter permanecido tan pouco tempo en cada un (un ano aquí e volta a Miñortos, outro ano alí e volta a Miñortos, uns meses alá, e volta a Miñortos, outro pouco tempo acolá, e volta a Miñortos) necesitaba escoller un sitio para responder cando me preghuntaran: "¿E tí de donde es? ¿Y tú de dónde eres? ¿Where are you from?". Pero non era así. Sempre disía Miñortos porque era eso o que salía primeiro pola miña boca (e non me vou poñer aghora a falar de Psicoloxía, que sobre o tema das respostas automáticas, haivos literatura extensa).

Durante outro tempo distinto, cando me cansei de ter que responder a "¿y eso dónde queda?" desidín disir que era da parte de Noia, porque a xente suele saber onde queda Noia.

Despois, cando Zapatero se fixo famoso e se descubreu que veraneaba no Son (Porto do Son), desidín disir: "Son de Miñortos, no Son" ou "son do Son". A xente empesou a conose-lo Son dende aquela (é a miña impresión) porque desde entonses xa non tiña que dar máis explicasións sobre o Son.

O caso é que con esas respostas sentía que lle mentía á xente. Non conoso moito o Son a pesar de que a miña partida de nasemento está alí, de que vou ó médico alí (cando é urxente), de que vou moito a Río Sieira... e cando a conversasión continuaba cun "¿e conoses tal e cual...?" e eu disía que non , dábame a impresión de que o meu interlocutor pensaba de min que eu falara por falar. E a conversa quedaba suspendida.

Así que desidín disir que son de donde realmente me sinto e do sitio do que sei tódalas respostas cando me preghuntan. "¿E eso donde queda?", "No concello de Porto do Son, é o sitio que probablemente conosas como As ghaviotas", "¿E conoses a fulano?", "Sí, fomo xuntos á escuela", ou, "sí, é o meu tío", ou "sí, é o dono dese burro", ou "sí, vaise por aquí, despois torses por alí e xa logho cheghas".

Son de Miñortos, ¿queda claro?

PD: ghrasias a esta entrada acabo de caer na conta de que teño que ir actualisar o DNI, o carné de condusir.... así que se teño alghun lector polisía, que non se inquiete, que en canto poda paso por alí para cambiar a diresión postal.